Transmeton Musa bin Enesi: Gjatë përshkrimit të betejës së Jemames, ai tregoi se Enes bin Maliku shkoi te Thabit bin Kajsi, i cili kishte zbuluar kofshët e tij dhe po lyhej me hunut (parfum për kufoma). Enesi e pyeti: "O axhë! Çfarë po të mban pa ardhur?" Ai u përgjigj: "O nipi im, po vij tani," dhe vazhdoi të lyehej me hunut. Pastaj erdhi dhe u ul në rresht. Enesi më pas tregoi se njerëzit u zmbrapsën nga fusha e betejës. Me atë rast Thabiti tha: "Më lironi rrugën që të luftoj armikun. Ne kurrë nuk vepronim kështu në shoqërinë e të Dërguarit të Allahut (s.a.v.s.). Sa zakone të këqija keni marrë nga kundërshtarët tuaj!"