Transmeton Muadhi: Isha i ulur pas Pejgamberit (s.a.v.s.) mbi një gomar që quhej Ufejr. Pejgamberi (s.a.v.s.) tha: "O Muadh! A e di cili është haku i Allahut ndaj robërve të Tij dhe cili është haku i robërve ndaj Allahut?" Thashë: "Allahu dhe i Dërguari i Tij e dinë më së miri." Ai tha: "Haku i Allahut ndaj robërve është që ta adhurojnë Atë dhe të mos i shoqërojnë asgjë në adhurim. Ndërsa haku i robërve ndaj Allahut është që Ai të mos e dënojë atë që nuk i shoqëron Atij asgjë." Thashë: "O i Dërguari i Allahut (s.a.v.s.), a t'i përgëzoj njerëzit me këtë lajm?" Ai tha: "Mos i përgëzo, sepse do të mjaftohen vetëm me këtë."