Transmeton Um Harami: Një ditë Pejgamberi (s.a.v.s.) fjeti në shtëpinë e saj në drekë, pastaj u zgjua duke buzëqeshur. Um Harami e pyeti: "O i Dërguari i Allahut (s.a.v.s.)! Çfarë të bën të buzëqeshësh?" Ai u përgjigj: "U mahnita duke parë (në ëndërr) disa njerëz nga umeti im në një udhëtim detar, që ngjanin si mbretërit në frone." Ajo tha: "O i Dërguari i Allahut (s.a.v.s.)! Lute Allahun që të më bëjë prej tyre." Ai u përgjigj: "Ti je me ta." Pastaj ai fjeti përsëri dhe u zgjua duke buzëqeshur, duke thënë të njëjtën gjë dy ose tri herë. Ajo tha: "O i Dërguari i Allahut (s.a.v.s.)! Lute Allahun që të më bëjë prej tyre." Ai i tha: "Ti je ndër të parët." Më vonë, Ubade bin Es-Samiti u martua me të dhe doli me të në Xhihad. Kur u kthye, i sollën një kafshë për ta kalëruar, por ajo u rrëzua dhe theu qafën.