Transmeton Seleme b. el-Ekve': Pejgamberi (s.a.v.s.) kaloi pranë disa njerëzve nga fisi Beni Eslem që po ushtroheshin në shigjetari. Pejgamberi (s.a.v.s.) tha: "O bijtë e Ismailit! Ushtrohuni në shigjetari, sepse babai juaj ka qenë shigjetar i zoti. Gjuani, e unë jam me filan grupin." Atëherë njëri prej grupeve ndaloi së gjuajturi. I Dërguari i Allahut (s.a.v.s.) pyeti: "Përse nuk po gjuani?" Ata u përgjigjën: "Si të gjuajmë kur ti je me ata?" Atëherë Pejgamberi (s.a.v.s.) tha: "Gjuani, sepse unë jam me të gjithë ju."