Transmeton Aishja (r.a.): I Dërguari i Allahut (s.a.v.s.) erdhi në shtëpinë time ndërsa pranë meje dy vajza po këndonin këngët e Buathit (një ngjarje rreth luftës midis dy fiseve të Ensarëve, Hazrexh dhe Evs, para Islamit). Pejgamberi (s.a.v.s.) u shtri në shtrat dhe e ktheu fytyrën në anën tjetër. Erdhi Ebu Bekri, më qortoi dhe tha: "Instrument i shejtanit në praninë e të Dërguarit të Allahut (s.a.v.s.)?" I Dërguari i Allahut (s.a.v.s.) u kthye nga ai dhe tha: "Leri ato." Kur Ebu Bekri e largoi vëmendjen, unë u bëra shenjë vajzave që të largoheshin dhe ato dolën. Ishte dita e Bajramit kur disa njerëz po luanin me mburoja lëkure dhe heshta. Ose unë i kërkova të Dërguarit të Allahut (s.a.v.s.), ose ai vetë më pyeti nëse dëshiroja ta shihja shfaqjen. Unë u përgjigja me po. Atëherë ai më la të qëndroja pas tij, me faqen time të mbështetur në faqen e tij, ndërsa ai thoshte: "Vazhdoni, o Beni Arfida!" Kur u lodha, ai më pyeti: "A të mjafton?" Unë u përgjigja me po dhe ai më tha: "Atëherë shko."