Transmeton Xhabir bin Abdullahu:

Ai mori pjesë së bashku me të Dërguarin e Allahut (s.a.v.s.) në një betejë në drejtim të Nexhdit. Kur i Dërguari i Allahut (s.a.v.s.) u kthye, edhe ai u kthye bashkë me të. Koha e mesditës i zuri në një luginë me shumë pemë me gjemba. I Dërguari i Allahut (s.a.v.s.) dhe njerëzit zbritën dhe u shpërndanë për të kërkuar hije nën pemë. I Dërguari i Allahut (s.a.v.s.) u ndal nën një pemë dhe e vari shpatën e tij në të. Ne fjetëm një sy gjumë dhe papritmas dëgjuam të Dërguarin e Allahut (s.a.v.s.) duke na thirrur. Kur shkuam, pamë një beduin pranë tij. Pejgamberi (s.a.v.s.) tha: "Ky beduini ma nxori shpatën ndërsa isha në gjumë dhe kur u zgjova, e gjeta shpatën e zhveshur në dorën e tij. Ai më tha: 'Kush do të të mbrojë prej meje?' Unë i thashë tri herë: 'Allahu'." Pejgamberi (s.a.v.s.) nuk e ndëshkoi atë, por u ul.