Transmeton Ibn Abbasi: Pejgamberi (s.a.v.s.), ndërsa ishte në një tendë (në ditën e betejës së Bedrit), tha: "O Allah! Unë kërkoj prej Teje përmbushjen e Besëlidhjes dhe të Premtimit Tënd. O Allah! Nëse Ti dëshiron, nuk do të adhurohesh më pas kësaj dite." Ebu Bekri e kapi për dore dhe i tha: "Mjafton, o i Dërguari i Allahut! Ti i jeni lutur Zotit tënd me ngulmim." Pejgamberi (s.a.v.s.) ishte i veshur me parzmore. Ai doli jashtë duke thënë: "Së shpejti ajo turmë do të mposhtet dhe do të kthejnë shpinën. Madje, Ora e Kiametit është afati i tyre, dhe ajo Orë do të jetë më e rëndë dhe më e hidhur." Kjo ndodhi në ditën e betejës së Bedrit.