Transmeton Sehl bin Sa'di:

Ai e ka dëgjuar Pejgamberin (s.a.v.s.) në ditën e Hajberit duke thënë: "Do t’ia jap flamurin një njeriu, përmes duarve të të cilit Allahu do të dhurojë fitoren." Kështu, njerëzit u gdhinë duke shpresuar se secilit prej tyre do t’i jepet flamuri. Pejgamberi (s.a.v.s.) pyeti: "Ku është Aliu?" I thanë se ai kishte dhimbje sysh. Ai urdhëroi që ta thirrnin, dhe pasi erdhi, Pejgamberi (s.a.v.s.) pështyu në sytë e tij dhe ai u shërua menjëherë, sikur të mos kishte pasur asgjë. Aliu tha: "Do të luftojmë me ta derisa të bëhen si ne." Pejgamberi (s.a.v.s.) i tha: "Vepro me maturi derisa të zbresësh në sheshin e tyre, pastaj ftoji ata në Islam dhe njoftoji për obligimet që kanë ndaj Allahut. Për Allahun! Sikur Allahu të udhëzonte përmes teje qoftë edhe një njeri të vetëm, kjo do të ishte më mirë për ty sesa devetë e kuqe."