Transmeton Abdullah bin Mes'udi: Sot më erdhi një burrë dhe më bëri një pyetje së cilës nuk dija si t'i përgjigjesha. Ai tha: "Më thuaj, nëse një burrë i zoti dhe i shkathët, i pajisur mirë me armë, del në ekspedita ushtarake me prijësit tanë dhe ata na urdhërojnë për gjëra që nuk mund t’i përballojmë (a duhet t’u bindemi?)." Unë i thashë: "Pasha Allahun, nuk di çfarë të të them tjetër, përveçse ne ishim me Pejgamberin (s.a.v.s.) dhe ai na urdhëronte për diçka vetëm një herë derisa ta kryenim atë. Pa dyshim, secili prej jush do të vazhdojë të jetë në mirësi për sa kohë që i frikësohet Allahut. Nëse dikush ka dyshim për diçka, le të pyesë një burrë që do t'ia largojë atë dyshim (me dije), por së shpejti do të vijë një kohë kur nuk do të gjeni një njeri të tillë. Pasha Atë, përveç të Cilit nuk ka të adhuruar tjetër me të drejtë! Nuk e shoh atë që ka kaluar nga kjo botë, përveçse si një pellg uji, pjesa e pastër e të cilit është pirë dhe nuk ka mbetur tjetër veçse llumi i tij."