Transmeton Seleme bin el-Ekua (r.a.): Aliu (r.a.) kishte mbetur prapa Pejgamberit (s.a.v.s.) gjatë betejës së Hajberit, sepse vuante nga një sëmundje e syve. Ai tha: "Si të mbetem prapa të Dërguarit të Allahut (s.a.v.s.)?" Kështu, ai u nis dhe u bashkua me Pejgamberin (s.a.v.s.). Në mbrëmjen para ditës kur u çlirua Hajberi, i Dërguari i Allahut (s.a.v.s.) tha: "Nesër do t’ia jap flamurin – ose tha: do ta marrë flamurin – një burrë të cilin e do Allahu dhe i Dërguari i Tij – ose tha: i cili e do Allahun dhe të Dërguarin e Tij – dhe Allahu do të dhurojë fitore përmes tij." Papritmas u shfaq Aliu, ndonëse nuk e prisnim. Njerëzit thanë: "Ja ku është Aliu!" Atëherë i Dërguari i Allahut (s.a.v.s.) ia dha flamurin atij dhe Allahu i dhuroi fitoren përmes tij.