Transmeton Abdullah bin Umeri: I Dërguari i Allahut (s.a.v.s.), i shoqëruar nga Ubejj bin Ka’bi, u nis drejt Ibn Sajjadit, pasi u njoftua se ai ndodhej në një kopsht me palma hurmash. Kur i Dërguari i Allahut (s.a.v.s.) hyri në kopsht, filloi të fshihej pas trungjeve të palmave, ndërsa Ibn Sajjadi ishte i mbuluar me një pëlhurë, prej së cilës dëgjoheshin disa pëshpëritje. Nëna e Ibn Sajjadit e pa të Dërguarin e Allahut (s.a.v.s.) dhe tha: "O Saf! Ky është Muhamedi." Atëherë Ibn Sajjadi u ngrit. I Dërguari i Allahut (s.a.v.s.) tha: "Sikur ta kishte lënë atë, e vërteta do të ishte sqaruar."