Transmeton El-Berai: E pashë të Dërguarin e Allahut (s.a.v.s.) në ditën e Hendekut duke bartur dhe, derisa pluhuri ia mbuloi qimet e gjoksit të tij, e ai ishte njeri me shumë qime. Ai recitonte vargjet e Abdullah bin Ruahas: "O Allah, po të mos ishe Ti, ne nuk do të ishim udhëzuar, as nuk do të jepnim sadaka e as nuk do të falnim namazin. Prandaj, zbrit qetësi mbi ne dhe na i forco këmbët tona kur të ndeshemi me armikun. Vërtet, armiqtë u treguan të padrejtë me ne, e nëse ata duan të na sprovojnë, ne e refuzojmë këtë." Pejgamberi (s.a.v.s.) e ngrinte zërin e tij gjatë recitimit të këtyre vargjeve.