Transmeton Enesi: I Dërguari i Allahut (s.a.v.s.) ishte njeriu më i bukur, më bujari dhe më i guximshmi ndër të gjithë njerëzit. Një herë, banorët e Medines u frikësuan nga një zhurmë që dëgjuan gjatë natës. Pejgamberi (s.a.v.s.) u doli përpara njerëzve i hipur mbi një kalë pa shalë të Ebu Talhës, duke mbajtur shpatën e tij të varur në krah. Ai u tha atyre: "Mos u frikësoni, mos u frikësoni!" Pastaj shtoi: "E gjeta atë (kalin) shumë të shpejtë."