Transmeton Seleme: Dola nga Medina në drejtim të El-Gabes. Kur arrita te shtegu malor i El-Gabes, më takoi një rob i Abdurrahman bin Aufit. I thashë: "Mjerë ti! Çfarë ke?" Ai tha: "Devetë e Pejgamberit (s.a.v.s.) janë rrëmbyer." Pyeta: "Kush i mori?" Ai tha: "Gatafani dhe Fezarahu." Atëherë lëshova tri thirrje: "O Sabahah! O Sabahah!", saqë më dëgjuan të gjithë ata që ishin mes dy maleve të Medines. Pastaj nxitova derisa i arrita pasi i kishin marrë devetë. Fillova t'i qëlloja me shigjeta duke thënë: "Unë jam biri i El-Ekuasë, dhe sot është dita e shkatërrimit të të poshtërve!" Kështu i shpëtova devetë prej tyre para se ata të pinin ujë. Kur u ktheva duke i prirë deveve, më takoi Pejgamberi (s.a.v.s.). I thashë: "O i Dërguari i Allahut (s.a.v.s.), ata njerëz janë të etur dhe unë i pengova të pinin ujë, prandaj dërgo njerëz t'i ndjekin." Pejgamberi (s.a.v.s.) tha: "O biri i El-Ekuasë, ti fitove pushtet, prandaj trego butësi. Vërtet, ata njerëz tani po qerosen nga populli i tyre."