Transmeton Ibn Abasi: E enjtja! E çfarë dite ishte e enjtja! Pastaj ai filloi të qante derisa lotët e tij njomën guralecët e tokës. Ai tha: Të enjten, dhimbja e të Dërguarit të Allahut (s.a.v.s.) u rëndua dhe ai tha: "Më sillni diçka për të shkruar, që t'ju shkruaj një porosi pas së cilës nuk do të humbni kurrë rrugën." Njerëzit u grindën mes vete, ndërkohë që para një pejgamberi nuk duhet të ketë grindje. Ata thanë: "I Dërguari i Allahut (s.a.v.s.) është rënduar shumë nga sëmundja." Ai tha: "Më lini rehat, sepse kjo gjendje në të cilën jam është më e mirë se ajo në të cilën po më thirrni." Ai porositi për tri gjëra para se të ndërronte jetë: "Dëboni idhujtarët nga Gadishulli Arabik dhe nderojini e jepuni dhurata delegacioneve të huaja ashtu siç kam bërë unë." Ndërsa porosinë e tretë e harrova. (Jakub bin Muhamedi tha: "E pyeta el-Mugira bin Abdur-Rahmanin rreth Gadishullit Arabik dhe ai tha: Ai përfshin Mekën, Medinën, Jemamen dhe Jemenin." Jakubi shtoi: "Dhe el-Arxh është fillimi i Tihames.")