Transmeton Aliu: Fatimeja u ankua për vështirësitë që kishte me mullirin e dorës gjatë bluarjes. Kur dëgjoi se Pejgamberit (s.a.v.s.) i kishin sjellë disa robëresha, ajo shkoi tek ai për të kërkuar një shërbëtore, por nuk e gjeti, andaj ia tregoi nevojën e saj Aishes. Kur erdhi Pejgamberi (s.a.v.s.), Aisha e njoftoi atë për këtë. Pejgamberi (s.a.v.s.) erdhi në shtëpinë tonë kur ne sapo kishim rënë në shtretërit tanë. Ne deshtëm të ngriheshim, por ai tha: "Qëndroni në vendet tuaja." Unë ndjeva ftohtësinë e këmbëve të tij në gjoksin tim. Pastaj ai tha: "A t'ju tregoj diçka që është më e mirë sesa ajo që më kërkuat? Kur të shkoni në shtretërit tuaj, thoni: 'Allahu Ekber' (Allahu është më i Madhi) 34 herë, 'Elhamdulilah' (Lavdia i takon Allahut) 33 herë dhe 'Subhanallah' (I Madhëruar qoftë Allahu) 33 herë. Kjo është më e mirë për ju sesa ajo që kërkuat."