Transmeton Ibn Omeri: Omer bin el-Hatabi i dëboi hebrenjtë dhe të krishterët nga toka e Hixhazit. Kur i Dërguari i Allahut (s.a.v.s.) triumfoi mbi banorët e Hajberit, ai synonte t'i dëbonte hebrenjtë prej andej, pasi ajo tokë, pas pushtimit, i takonte Allahut, të Dërguarit të Tij (s.a.v.s.) dhe muslimanëve. Mirëpo, hebrenjtë i kërkuan të Dërguarit të Allahut (s.a.v.s.) që t'i linte aty me kusht që ata të kryenin punët e bujqësisë dhe të merrnin gjysmën e prodhimit. I Dërguari i Allahut (s.a.v.s.) u tha: "Ne ju lëmë në këtë marrëveshje për aq kohë sa të dëshirojmë." Ata qëndruan aty derisa i dëboi Omeri gjatë kalifatit të tij për në Teima dhe Eriha.