Transmeton Aliu: Ai mbajti një hytbe duke thënë: "Ne nuk kemi asnjë libër që e lexojmë përveç Librit të Allahut dhe asaj që është shkruar në këtë fletë, e cila përmban rregulla rreth plagosjeve, moshave të deveve dhe faktin se Medina është harem (vend i shenjtë) mes malit Ajr deri në filan vendin. Prandaj, kushdo që shpik ndonjë risi në të ose strehon një shpikës risish, mbi të qoftë mallkimi i Allahut, i melaqeve dhe i të gjithë njerëzve; prej tij nuk do të pranohet asnjë vepër e obligueshme e as vullnetare. Kushdo që merr si zotëri të tij dikë tjetër përveç zotërinjve të tij të vërtetë, do të ketë mallkimin e njëjtë. Mbrojtja e dhënë nga çdo musliman duhet të respektohet nga të gjithë muslimanët e tjerë, dhe kushdo që e tradhton një musliman në këtë aspekt, do të ketë mallkimin e njëjtë."