Transmeton Ajsheja (r.a.) se ajo e pyeti Pejgamberin (s.a.v.s.): "A keni përjetuar ndonjë ditë më të vështirë se dita e Uhudit?" Pejgamberi (s.a.v.s.) u përgjigj: "Kam hasur shumë mundime nga populli yt, por më i rëndi ishte ai i ditës së Akabes, kur ia paraqita veten (thirrjen) Ibn Abd-Jalil bin Abd-Kulalit, por ai nuk m'u përgjigj ashtu siç dëshiroja. U largova i dërrmuar nga brenga dhe nuk erdha në vete derisa arrita në Karn eth-Thealib. Aty ngrita kokën dhe pashë një re që më bënte hije. Shikova dhe pashë në të Xhibrilin, i cili më thirri e më tha: 'Vërtet, Allahu e dëgjoi atë që të tha populli yt dhe si të kundërshtuan. Ai ka dërguar te ti Engjëllin e Maleve që ta urdhërosh të bëjë me ta çfarë të duash.' Engjëlli i Maleve më thirri, më dha selam dhe më tha: 'O Muhamed! Urdhëro çfarë të duash. Nëse dëshiron, do t'i bashkoj mbi ta dy malet (el-Ahshebejn).' Pejgamberi (s.a.v.s.) tha: 'Jo, por shpresoj që Allahu do të nxjerrë nga pasardhësit e tyre njerëz që do të adhurojnë vetëm Allahun e Vetëm dhe nuk do t'i shoqërojnë Atij asgjë.'"