Transmeton Ebu Hurejre se i Dërguari i Allahut (s.a.v.s.) ka thënë: "Grupi i parë që do të hyjë në Xhenet do të shndritë si hëna e plotë; ndërsa ata që do të hyjnë pas tyre do të shndrijnë si ylli më i shndritshëm në qiell. Zemrat e tyre do të jenë si zemra e një njeriu të vetëm, nuk do të kenë mes tyre as mospajtime e as urrejtje. Secili prej tyre do t'i ketë dy bashkëshorte, të cilat do të jenë aq të bukura saqë palca e kockave të këmbëve të tyre do të shihet përmes mishit. Ata do ta madhërojnë Allahun në mëngjes dhe në mbrëmje. Nuk do të sëmuren, nuk do të shfryjnë hundët dhe nuk do të pështyjnë. Enët e tyre do të jenë prej ari dhe argjendi, ndërsa krehrat e tyre prej ari. Lënda djegëse në mbajtëset e tyre të temjanit do të jetë druri i aloe-s, ndërsa djersa e tyre do të ketë erë misku."