Transmeton Xhabiri: Pejgamberi (s.a.v.s.) ka thënë: "Kur bie nata (apo fillon errësira e natës), mbajini fëmijët tuaj brenda, sepse në atë kohë shpërndahen shejtanët. Pasi të kalojë një kohë nga fillimi i natës, mund t'i lini të lirë. Mbyllini dyert tuaja dhe përmendni emrin e Allahut, fikni llambat tuaja dhe përmendni emrin e Allahut, mbyllni enët e ujit dhe përmendni emrin e Allahut, si dhe mbuloni enët tuaja dhe përmendni emrin e Allahut, qoftë edhe duke vendosur diçka tërthorazi mbi to."