Transmeton Ebu Humejdi se Pejgamberi (s.a.v.s.) ka thënë: "Shtëpitë më të mira të Ensarëve janë ato të Benu Nexharit, pastaj të Benu Abdul Eshhelit, pastaj të Benu el-Harithit dhe pastaj të Benu Saides; ndërsa në të gjitha shtëpitë e Ensarëve ka mirësi." Sa'd bin Ubade na ndoqi dhe tha: "O Ebu Usejd! A nuk e sheh se Pejgamberi (s.a.v.s.) i radhiti shtëpitë e Ensarëve sipas vlerës dhe na la ne të fundit?" Pastaj Sa'di u takua me Pejgamberin (s.a.v.s.) dhe i tha: "O i Dërguari i Allahut (s.a.v.s.)! Gjatë vlerësimit të shtëpive të Ensarëve, na keni lënë ne të fundit." I Dërguari i Allahut (s.a.v.s.) iu përgjigj: "A nuk ju mjafton që jeni radhitur ndër më të mirët?"