Transmeton Enesi: Ebu Bekri dhe Abbasi (r.a.) kaluan pranë një tubimi të Ensarëve, të cilët po qanin. Ai i pyeti: "Pse po qani?" Ata u përgjigjën: "Po qajmë sepse po kujtojmë qëndrimin e Pejgamberit (s.a.v.s.) me ne." Atëherë ai shkoi te Pejgamberi (s.a.v.s.) dhe e njoftoi për këtë. Pejgamberi (s.a.v.s.) doli me kokën e lidhur me një copë rrobe dhe u ngjit në minber, në të cilin nuk u ngjit më pas asaj dite. Ai e falënderoi dhe e lavdëroi Allahun, e pastaj tha: "Ju porosis që të kujdeseni për Ensarët, sepse ata janë njerëzit e mi më të afërt dhe të besuarit e mi. Ata i kanë kryer detyrat që kishin, ndërsa u kanë mbetur të drejtat që u takojnë. Prandaj, pranoni të mirën nga punëmirët e tyre dhe falni ata që gabojnë prej tyre."