Transmeton Enes bin Maliku se Ebu Usejdi ka thënë: I Dërguari i Allahut (s.a.v.s.) ka thënë: "Shtëpitë më të mira të Ensarëve janë ato të fisit Beni Nexhar, pastaj Beni Abdul Eshhel, pastaj Beni el-Harith bin el-Hazrexh, pastaj Beni Saide; mirëpo në të gjitha shtëpitë e Ensarëve ka mirësi." Sa'd bin Ubade, i cili ishte prej atyre që e patën pranuar Islamin herët, tha: "Po shoh se i Dërguari i Allahut (s.a.v.s.) u paska dhënë përparësi të tjerëve mbi ne." Atëherë iu tha: "Ai u ka dhënë juve përparësi mbi shumë njerëz të tjerë."