Transmeton Ajsheja: Nuk jam xhelozuar për asnjë nga gratë e Pejgamberit (s.a.v.s.) aq sa jam xhelozuar për Hatixhen, ndonëse ajo kishte ndërruar jetë para se ai të martohej me mua. Këtë e ndjeja sepse e dëgjoja atë duke e përmendur shpesh, si dhe sepse Allahu e kishte urdhëruar atë që t'i jepte lajmin e gëzuar se ajo do të kishte një pallat prej kasabi (margaritarë dhe gurë të çmuar) në Xhenet. Po ashtu, sa herë që ai therrte ndonjë dele, u dërgonte shoqeve të saj një pjesë të mjaftueshme prej saj.