Transmeton Abdullahu: Teksa Pejgamberi (s.a.v.s.) ishte në sexhde, i rrethuar nga disa njerëz të Kurejshëve, Ukbe bin Ebi Muajti solli rropullitë e një deveje dhe i hodhi mbi shpinën e Pejgamberit (s.a.v.s.). Ai nuk e ngriti kokën derisa erdhi Fatimja, i hoqi ato nga shpina e tij dhe mallkoi atë që e kishte bërë këtë veprim. Pejgamberi (s.a.v.s.) tha: "O Allah, shkatërroje parinë e Kurejshëve: Ebu Xhehl bin Hishamin, Utbe bin Rabian, Shejbe bin Rabian, Umeje bin Halefin ose Ubej bin Halefin." (Transmetuesi Shube është në dyshim për emrin e fundit). I pashë këta njerëz të vrarë në ditën e betejës së Bedrit, të hedhur në një pus, përveç Umejes ose Ubejit, trupi i të cilit ishte gjymtuar dhe nuk u hodh në pus.