Transmeton Habbabi: Ne bëmë hixhret bashkë me Pejgamberin (s.a.v.s.) duke kërkuar kënaqësinë e Allahut, andaj shpërblimi ynë i takon Allahut. Disa prej nesh ndërruan jetë pa marrë asgjë nga shpërblimi i tyre në këtë botë, e prej tyre ishte Mus'ab bin Umejri, i cili ra dëshmor në ditën e Uhudit duke lënë pas vetëm një pelerinë leshi. Kur ia mbulonim kokën me të, i zbuloheshin këmbët, ndërsa kur ia mbulonim këmbët, i zbulohej koka. Atëherë i Dërguari i Allahut (s.a.v.s.) na urdhëroi t'ia mbulonim kokën, ndërsa mbi këmbë t'i vendosnim pak idh-hir (lloj bari). Ndërsa të tjerëve prej nesh u janë pjekur frytet e tyre dhe po i vjelin ato.