Transmeton Esmaja: Ajo ishte shtatzënë me Abdullah bin ez-Zubejrin. Ajo tregoi: "U nisa për hixhret kur isha në prag të lindjes dhe erdha në Medine. U ndala në Kuba dhe aty e linda atë. Pastaj e dërgova foshnjën te Pejgamberi (s.a.v.s.) dhe e vendosa në prehrin e tij. Pejgamberi (s.a.v.s.) kërkoi një hurmë, e përtypi dhe e lëshoi pështymën e tij në gojën e foshnjës. Gjëja e parë që hyri në barkun e tij ishte pështyma e të Dërguarit të Allahut (s.a.v.s.). Pastaj ai ia fërkoi qiellzën me hurmë, bëri dua për të dhe kërkoi bekimin e Allahut mbi të. Ai ishte foshnja e parë e lindur në Islam (pas hixhretit)."