Transmeton Enesi: Kur Abdurrahman bin Aufi erdhi në Medine, Pejgamberi (s.a.v.s.) vendosi vëllazërinë mes tij dhe Sa'd bin er-Rabi el-Ensariut. Sa'di i ofroi që të ndante me të përgjysmë pasurinë dhe familjen e tij, por Abdurrahmani i tha: "Allahu të bekoftë në familjen dhe pasurinë tënde! Më udhëzo drejt tregut." Ai fitoi diçka nga tregtia me djathë të tharë dhe gjalpë. Pas disa ditësh, Pejgamberi (s.a.v.s.) e pa atë me gjurmë të parfumit të verdhë në rroba dhe e pyeti: "Çfarë është kjo, o Abdurrahman?" Ai u përgjigj: "O i Dërguari i Allahut (s.a.v.s.), jam martuar me një grua nga ensarët." Pejgamberi (s.a.v.s.) e pyeti: "Çfarë i dhe për mehër?" Ai tha: "Ari në peshën e një bërthame hurme." Atëherë Pejgamberi (s.a.v.s.) i tha: "Bëj një gosti, qoftë edhe me një dele."