Transmeton Ebu Usejdi: Ne dolëm me Pejgamberin (s.a.v.s.) drejt një kopshti të quajtur Esh-Shaut, derisa arritëm te dy mure, midis të cilëve u ulëm. Pejgamberi (s.a.v.s.) tha: "Uluni këtu", dhe hyri brenda kopshtit. Aty ishte sjellë El-Xhaunije (një grua nga fisi Beni Xhaun) dhe ishte vendosur në një shtëpi në një kopsht me palma, në shtëpinë e Umejme bint En-Numan bin Sherahil, e cila shoqërohej nga dadoja e saj. Kur Pejgamberi (s.a.v.s.) hyri te ajo, i tha: "Dhurona veten tënde (në martesë)". Ajo tha: "A ia dhuron dot veten një princeshë një njeriu të thjeshtë?" Pejgamberi (s.a.v.s.) zgjati dorën drejt saj që ajo të qetësohej, por ajo tha: "Kërkoj mbrojtjen e Allahut prej teje". Ai tha: "Vërtet kërkove mbrojtje te Ai që ofron mbrojtje". Pastaj Pejgamberi (s.a.v.s.) doli te ne dhe tha: "O Ebu Usejd! Jepini asaj dy veshje prej liri të bardhë dhe kthejeni te familja e saj".