Transmeton Ajsheja: Pejgamberi (s.a.v.s.) qëndronte gjatë te Zejnebe bint Xhahshi dhe pinte mjaltë te shtëpia e saj. Kështu, unë dhe Hafsa u morëm vesh që, cilësdo prej nesh t'i vinte Pejgamberi (s.a.v.s.), ajo t'i thoshte: "Po ndjej prej teje erën e maghafirit (një lloj rrëshire me erë të rëndë). A ke ngrënë maghafir?" Ai hyri te njëra prej tyre dhe ajo ia tha këtë. Pejgamberi (s.a.v.s.) u përgjigj: "Jo, por piva mjaltë te Zejnebe bint Xhahshi dhe nuk do ta bëj më këtë." Atëherë u shpallën ajetet: "O Pejgamber! Përse e ndalon atë që Allahu ta ka lejuar..." deri te "...nëse ju të dyja pendoheni tek Allahu", duke iu drejtuar Ajshes dhe Hafsës. Ndërsa ajeti: "Kur Pejgamberi i tregoi në mirëbesim një fjalë njërës prej grave të veta", i referohej thënies së tij: "Përkundrazi, piva mjaltë."