Transmeton Ibn Abbasi: Bashkëshorti i Berires ishte një rob që quhej Mugith. Më duket sikur po e shoh edhe tani duke e ndjekur pas Beriren e duke qarë, me lotët që i rridhnin mbi mjekër. Pejgamberi (s.a.v.s.) i tha Abbasit: "O Abbas! A nuk po çuditesh me dashurinë e Mugithit për Beriren dhe me urrejtjen e Berires për Mugithin?" Pastaj Pejgamberi (s.a.v.s.) i tha asaj: "Sikur të ktheheshe tek ai?" Ajo tha: "O i Dërguari i Allahut (s.a.v.s.), a po më urdhëron?" Ai tha: "Unë vetëm po ndërmjetësoj." Ajo tha: "Nuk kam nevojë për të."