Transmeton Enesi: Gjatë kohës së të Dërguarit të Allahut (s.a.v.s.), një hebre sulmoi një vajzë, i mori disa stoli argjendi që ajo mbante dhe ia shtypi kokën. Familjarët e saj e sollën te Pejgamberi (s.a.v.s.) derisa ajo ishte në grahmat e fundit dhe nuk mund të fliste. I Dërguari i Allahut (s.a.v.s.) e pyeti: "Kush të goditi? Filani?", duke përmendur dikë tjetër përveç vrasësit të saj. Ajo tundi kokën në shenjë mohimi. Pejgamberi (s.a.v.s.) përmendi një person tjetër, jo vrasësin, dhe ajo përsëri tundi kokën në shenjë mohimi. Pastaj ai pyeti: "A ishte filani?", duke përmendur emrin e vrasësit të saj. Ajo pohoi me kokë. Atëherë i Dërguari i Allahut (s.a.v.s.) urdhëroi që koka e atij hebreu të shtypej mes dy gurëve.