Transmeton Ebu Hurejra se i Dërguari i Allahut (s.a.v.s.) ka thënë: "Shembulli i koprracit dhe i bujarit është si shembulli i dy burrave që kanë veshur dy këmishë prej hekuri, nga gjoksi deri te qafa e tyre. Sa i përket bujarit, ai nuk shpenzon asgjë pa u zgjeruar këmisha mbi lëkurën e tij, derisa t’ia mbulojë majat e gishtave dhe t’ia fshijë gjurmët e hapave të tij. Ndërsa koprraci, sa herë që dëshiron të shpenzojë, çdo unazë e këmishës së hekurt shtrëngohet fort në vendin e vet; ai mundohet ta zgjerojë atë, por ajo nuk zgjerohet." – Dhe Pejgamberi (s.a.v.s.) bëri me shenjë me gishtin e tij drejt fytit të tij.