Transmeton Ma'kil bin Jesari: Motra e tij ishte e martuar me një burrë, i cili e divorcoi dhe e la derisa i përfundoi periudha e idetit. Pastaj ai e kërkoi sërish dorën e saj për martesë, por Ma'kili u zemërua nga krenaria dhe tha: "Ai e la atë atëherë kur kishte mundësi ta mbante, e tani po e kërkon sërish?" Kështu, ai doli mes tyre për t'i penguar. Atëherë Allahu shpalli: "Kur t’i divorconi gratë dhe ato t’i kenë plotësuar afatet e tyre, mos i pengoni ato që të martohen me (ish) burrat e tyre..." (2:232). I Dërguari i Allahut (s.a.v.s.) e thirri Ma'kilin dhe ia lexoi këtë ajet, kështu që ai hoqi dorë nga kryelartësia e tij dhe iu nënshtrua urdhrit të Allahut.