Transmeton Zejneb bint Ebi Seleme: Shkova te Um Habiba, bashkëshortja e Pejgamberit (s.a.v.s.), kur i vdiq babai i saj, Ebu Sufjan bin Harbi. Um Habiba kërkoi një parfum që përmbante aromë të verdhë (haluk) ose diçka tjetër, lyeu me të një vajzë e pastaj fërkoi faqet e saj dhe tha: "Pasha Allahun, nuk kam nevojë për parfum, por e kam dëgjuar të Dërguarin e Allahut (s.a.v.s.) duke thënë: 'Nuk i lejohet një gruaje që beson në Allahun dhe në Ditën e Fundit të mbajë zi për një të vdekur më shumë se tri ditë, përveçse për bashkëshortin e saj, për të cilin duhet të mbajë zi katër muaj e dhjetë ditë.'"