Transmeton Zejnebi: Hymeidi e pyeti atë: "Çfarë do të thotë hedhja e bajgës kur të ketë kaluar viti?" Zejnebi u përgjigj: "Kur një gruaje i vdiste burri, ajo futej në një dhomë të vogël e të mjerueshme, vishte rrobat e saj më të këqija dhe nuk përdorte asnjë lloj parfumi derisa të kalonte një vit. Pastaj i sillnin një kafshë, si gomar, dele ose shpend, dhe ajo fërkonte trupin e saj me të. Pothuajse çdo kafshë me të cilën ajo fërkohej, ngordhte. Vetëm pas kësaj ajo dilte nga dhoma, i jepnin një bajgë të cilën e hidhte tej dhe pastaj mund të përdorte parfumin që dëshironte apo gjëra të tjera." Maliku u pyet se çfarë do të thotë fërkimi me kafshën dhe ai tha: "Të fërkojë lëkurën e saj me të."