Transmeton Adi bin Hatim (r.a.): E pyeta të Dërguarin e Allahut (s.a.v.s.) rreth gjuetisë me shtizë (pa pupla). Ai tha: "Nëse e godet prenë me majën e saj të mprehtë, haje, por nëse godet me anën e saj të gjerë dhe ajo vritet, atëherë ajo është e mbytur nga goditja, prandaj mos e ha." Thashë: "Po nëse e lëshoj qenin tim të gjuetisë?" Ai tha: "Nëse e lëshon qenin tënd dhe përmend emrin e Allahut, atëherë haje." Thashë: "Po nëse qeni ha prej saj?" Ai tha: "Atëherë mos e ha, sepse qeni e ka kapur për vete dhe jo për ty." Thashë: "Ndonjëherë e lëshoj qenin tim dhe bashkë me të gjej një qen tjetër?" Ai tha: "Mos e ha, sepse ti e ke përmendur emrin e Allahut vetëm për qenin tënd e jo për tjetrin."