Transmeton Ebu Tha'lebe el-Husheniu: Shkova te Pejgamberi (s.a.v.s.) dhe i thashë: "O i Dërguari i Allahut! Ne jetojmë në tokën e ithtarëve të Librit dhe hamë në enët e tyre. Aty ka gjah dhe unë gjuaj me harkun tim, me qenin tim të stërvitur dhe me qenin tim të pastërvitur." Pejgamberi (s.a.v.s.) tha: "Sa i përket asaj që përmende se jeni në tokën e ithtarëve të Librit, mos hani në enët e tyre, përveç nëse nuk gjeni rrugëdalje tjetër; nëse nuk gjeni dot tjetër, atëherë lajini ato dhe hani në to. Sa i përket asaj që përmende se jeni në tokë gjuetie: atë që gjuan me harkun tënd, përmend emrin e Allahut dhe ha; atë që gjuan me qenin tënd të stërvitur, përmend emrin e Allahut dhe ha; dhe atë që gjuan me qenin tënd të pastërvitur, nëse e arrin atë të gjallë dhe e therr, atëherë haje."