Transmeton Sehl bin Sa’di: Një grua i solli një burda (pelerinë) Pejgamberit (s.a.v.s.). Sehli i pyeti njerëzit: "A e dini çfarë është burda?" Ata u përgjigjën: "Ajo është një shamlë, pëlhurë e thurur me anë të qëndisura." Gruaja tha: "O i Dërguari i Allahut, ta solla këtë që ta veshësh." Pejgamberi (s.a.v.s.) e mori atë sepse kishte nevojë për të dhe e veshi. Një burrë prej shokëve të tij, kur e pa veshur, tha: "O i Dërguari i Allahut, sa e bukur që është! Ma jep ta vesh." Pejgamberi (s.a.v.s.) tha: "Po." Kur Pejgamberi (s.a.v.s.) u largua, shokët e tij e qortuan burrin duke i thënë: "Nuk veprove mirë kur ia kërkove atë, duke e ditur se ai e mori sepse kishte nevojë për të, dhe ti e di mirë se ai nuk refuzon asgjë që i kërkohet." Burri u përgjigj: "Vërtet, unë shpresova në bereqetin e saj pasi e kishte veshur Pejgamberi (s.a.v.s.), me shpresën se do të shërbente si qefini im."