Transmeton Enesi: Një burrë erdhi te Pejgamberi (s.a.v.s.) një ditë të xhuma, ndërsa ai po mbante hytben në Medinë, dhe tha: "Ka rënë thatësirë, andaj lute Zotin tënd të na dërgojë shi." Pejgamberi (s.a.v.s.) shikoi drejt qiellit në të cilin nuk shihej asnjë re. Ai kërkoi shi dhe menjëherë u formuan retë e u bashkuan me njëra-tjetrën, pastaj ra shi derisa rrodhën kanalet e Medinës. Shiu nuk pushoi deri të xhumanë e ardhshme. Atëherë ai burrë, ose dikush tjetër, u ngrit ndërkohë që Pejgamberi (s.a.v.s.) po mbante hytben dhe tha: "U mbytëm, lute Zotin tënd ta largojë shiun prej nesh." Pejgamberi (s.a.v.s.) buzëqeshi dhe tha dy apo tri herë: "O Allah, rreth nesh e jo mbi ne." Retë filluan të çaheshin e të largoheshin nga Medina djathtas e majtas; binte shi rreth nesh, por nuk binte asgjë mbi ne. Allahu u tregoi atyre nderimin e Pejgamberit (s.a.v.s.) të Tij dhe pranimin e lutjes së tij.