Transmeton Abdullah bin Amri: I Dërguari i Allahut (s.a.v.s.) hyri tek unë dhe më tha: "A nuk jam informuar se ti falesh gjithë natën dhe agjëron gjithë ditën?" I thashë: "Po." Ai tha: "Mos vepro ashtu; falu natën por edhe fli; agjëro disa ditë dhe mos agjëro disa të tjera, sepse trupi yt ka të drejtë ndaj teje, syri yt ka të drejtë ndaj teje, mysafiri yt ka të drejtë ndaj teje dhe bashkëshortja jote ka të drejtë ndaj teje. Shpresoj se do të kesh jetë të gjatë dhe mjafton për ty të agjërosh tri ditë në muaj, sepse shpërblimi për një vepër të mirë dhjetëfishohet, e kjo do të thotë sikur të agjëroje gjithë vitin." Unë këmbëngula, kështu që m'u rëndua udhëzimi. I thashë: "Unë mund të bëj më shumë se aq." Ai tha: "Agjëro tri ditë çdo javë." Por unë këmbëngula përsëri dhe m'u rëndua më shumë. Thashë: "Unë mund të agjëroj edhe më shumë se aq." Pejgamberi (s.a.v.s.) tha: "Agjëro ashtu siç agjëronte Pejgamberi i Allahut, Davudi." I thashë: "E si ishte agjërimi i Pejgamberit Davud?" Pejgamberi (s.a.v.s.) tha: "Gjysma e kohës (një ditë agjërim e një ditë jo)."