Transmeton Ibn Omeri:

I Dërguari i Allahut (s.a.v.s.) tha: "Më tregoni për një pemë shembulli i së cilës është si shembulli i muslimanit, e cila jep frytet e saj në çdo kohë me lejen e Zotit të saj dhe gjethet e së cilës nuk bien." Më shkoi në mendje se ajo është hurma (e Arabisë), por nuk dëshirova të flisja pasi aty ishin Ebu Bekri dhe Omeri. Pasi ata nuk folën, Pejgamberi (s.a.v.s.) tha: "Ajo është hurma." Kur dola me babanë tim, i thashë: "O babai im! Më shkoi ndërmend se ajo ishte hurma." Ai tha: "Çfarë të pengoi ta thuash? Sikur ta kishe thënë, do të ishte më e dashur për mua sesa kjo e ajo (pasuri)." I thashë: "Asgjë nuk më pengoi përveç faktit që nuk të pashë ty e as Ebu Bekrin të flisnit, prandaj nuk dëshirova (të flisja para jush)."