Transmeton Abdullahu: Kur faleshim me Pejgamberin (s.a.v.s.), thonim: "Paqja qoftë mbi Allahun para robërve të Tij, paqja qoftë mbi Xhibrilin, paqja qoftë mbi Mikailin, paqja qoftë mbi filanin". Kur Pejgamberi (s.a.v.s.) e përfundoi namazin, u kthye nga ne me fytyrë dhe tha: "Vërtet, Allahu është Es-Selami (Paqja). Prandaj, kur ndonjëri prej jush ulet në namaz, le të thotë: 'Et-tehijjatu lil-lahi ves-salavatu vet-tajjibatu, es-selamu alejke ejjuhen-nebijju ve rahmetullahi ve berekatuhu, es-selamu alejna ve ala ibadil-lahis-salihin'. Sepse, nëse e thotë këtë, ajo do të arrijë çdo rob të mirë e të devotshëm në qiej dhe në tokë. (Pastaj le të thotë): 'Esh-hedu en la ilahe il-lallahu ve esh-hedu enne Muhammeden abduhu ve resuluhu'. Më pas, ai mund të zgjedhë çfarëdo lutje që dëshiron."