Transmeton Enesi: Kur i Dërguari i Allahut (s.a.v.s.) u martua me Zejnebe bint Xhahshin, ai i ftoi njerëzit, të cilët pasi ngrënë, mbetën ulur duke biseduar. Pejgamberi (s.a.v.s.) u bë sikur po përgatitej të ngrihej, por njerëzit nuk u ngritën. Kur e vuri re këtë, ai u ngrit, dhe pasi u ngrit ai, u ngritën edhe disa njerëz bashkë me të, ndërsa mbetën tre të tjerë. Pastaj Pejgamberi (s.a.v.s.) u kthye për të hyrë, por njerëzit ishin ende ulur. Më vonë, ata u ngritën dhe u larguan. Atëherë shkova dhe e njoftova Pejgamberin (s.a.v.s.) se ata ishin larguar. Ai erdhi dhe hyri, ndërsa unë desha të hyja bashkë me të, por ai e lëshoi perden mes meje dhe tij. Atëherë Allahu i Madhëruar shpalli: "O ju që keni besuar! Mos hyni në shtëpitë e Pejgamberit, përveç nëse ju jepet leje..." deri te fjala e Tij: "...Vërtet, kjo te Allahu është një gjë e madhe." (33:53)