Transmeton Abdullahu: Një ditë Pejgamberi (s.a.v.s.) ndau diçka mes njerëzve, me ç’rast një burrë nga ensarët tha: "Kjo është një ndarje me të cilën nuk është synuar kënaqësia e Allahut." Unë thashë: "Pasha Allahun! Do të shkoj te Pejgamberi (s.a.v.s.) (për ta njoftuar)." Shkova te ai kur ishte me një grup njerëzish dhe e njoftova fshehurazi për këtë. Ai u zemërua aq shumë saqë fytyra iu skuq, e pastaj tha: "Mëshira e Allahut qoftë mbi Musain, ai u lëndua edhe më shumë se kjo, e megjithatë bëri durim."