Transmeton Shaddad bin Avsi: Pejgamberi (s.a.v.s.) ka thënë: "Mënyra më e lartë e kërkimit të faljes është të thuash: 'O Allah, Ti je Zoti im, nuk ka zot tjetër përveç Teje. Ti më krijove dhe unë jam robi Yt. Unë i përmbahem besëlidhjes dhe premtimit Tënd aq sa kam mundësi. Kërkoj mbrojtje tek Ti nga e keqja e asaj që kam bërë. Unë i pranoj mirësitë e Tua ndaj meje dhe i pranoj mëkatet e mia, andaj më fal mua, sepse askush nuk i fal mëkatet përveç Teje.'" Pejgamberi (s.a.v.s.) shtoi: "Kushdo që e thotë këtë gjatë ditës me bindje të plotë dhe vdes po atë ditë para mbrëmjes, ai është prej banorëve të Xhenetit; dhe kushdo që e thotë këtë gjatë natës me bindje të plotë dhe vdes para mëngjesit, ai është prej banorëve të Xhenetit."