Transmeton El-Bera bin Azib: Pejgamberi (s.a.v.s.) e këshilloi një njeri duke i thënë: "Kur të shkosh në shtrat për të fjetur, thuaj: 'O Allah, unë ta dorëzoj veten Ty, çështjen time ta besoj Ty, fytyrën time ta drejtoj Ty dhe shpinën time ta mbështes te Ti, me dëshirë dhe frikë ndaj Teje. Nuk ka strehë e as shpëtim prej Teje përveçse te Ti. Besoj në Librin Tënd që e ke zbritur dhe në Pejgamberin Tënd që e ke dërguar.' Nëse vdes (pasi ta kesh thënë këtë), do të vdesësh në Fitre (në fenë e pastër islame)."