Transmeton Hababi: Ne bëmë hixhret me Pejgamberin (s.a.v.s.) për hir të Allahut dhe shpërblimi ynë mbeti tek Allahu. Disa prej nesh vdiqën pa marrë asgjë nga shpërblimi i tyre (në këtë botë), e prej tyre ishte Mus’ab bin Umejri, i cili ra dëshmor në ditën e Uhudit. Ai la pas vetëm një pëlhurë; nëse ia mbulonim kokën me të, i zbuloheshin këmbët, e nëse ia mbulonim këmbët, i zbulohej koka. Atëherë Pejgamberi (s.a.v.s.) na urdhëroi që t’ia mbulonim kokën me të, ndërsa mbi këmbët e tij të vendosnim idhhir (lloj bari). Ndërsa disa të tjerëve prej nesh u janë pjekur frutat dhe po i vjelin ato.