Transmeton Ebu Hurejra se i Dërguari i Allahut (s.a.v.s.) ka thënë: "Kiameti nuk do të ndodhë derisa dielli të lindë nga perëndimi. Kur ai të lindë dhe njerëzit ta shohin, të gjithë do të besojnë, por atëherë do të jetë koha kur 'asnjë njeriu nuk do t'i bëjë dobi besimi i tij, nëse nuk ka besuar më parë ose nuk ka bërë ndonjë të mirë me besimin e tij'. Kiameti do të ndodhë aq papritur saqë dy burra që kanë shtruar një copë pëlhure mes tyre nuk do të arrijnë as ta përfundojnë shitblerjen e as ta palosin atë. Kiameti do të ndodhë ndërsa burri po kthehet me qumështin e devesë së tij, por nuk do të arrijë ta pijë atë. Kiameti do të ndodhë ndërkohë që dikush është duke rregulluar govatën e tij për të ujitun kafshët, por nuk do të arrijë t’u japë ujë atyre. Dhe Kiameti do të ndodhë kur dikush prej jush ka ngritur kafshatën e ushqimit në gojë, por nuk do të arrijë ta hajë atë."